అమెరికా అధ్యక్షుడు డొనాల్డ్ ట్రంప్ (Donald Trump) ఇటీవల హెచ్-1బీ (H1-B) వీసాల ఫీజును లక్ష డాలర్లకు పెంచిన విషయం తెలిసిందే. ఈ నిర్ణయంపై ప్రపంచవ్యాప్తంగా ఉన్న సాంకేతిక, ఇంజినీరింగ్ రంగ నిపుణులు తీవ్ర ఆందోళన వ్యక్తం చేస్తున్నారు. ఇదే సమయంలో కీలక పరిణామం చోటు చేసుకుంది.
ట్రంప్ తీసుకున్న ఈ నిర్ణయం పూర్తిగా చట్ట విరుద్ధమని యూఎస్ ఛాంబర్ ఆఫ్ కామర్స్ (US Chamber Of Commerce) కోర్టులో పిటిషన్ దాఖలు చేసింది. ఫీజు పెంపు కారణంగా అమెరికా గ్లోబల్ టాలెంట్ వినియోగంలో తీవ్ర ఇబ్బందులు ఎదుర్కోవాల్సి వస్తుందని పిటిషన్లో పేర్కొంది.
అదేవిధంగా, ఈ నిర్ణయం ఇమ్మిగ్రేషన్ అండ్ నేషనాలిటీ యాక్ట్ను ఉల్లంఘిస్తోందని ఆరోపించారు. హెచ్-1బీ ఫీజు పెంపు వల్ల విదేశీ అప్లికేషన్ల సంఖ్య తగ్గి, ప్రభుత్వ ఆదాయానికి నష్టం కలిగే అవకాశం ఉందని తెలిపారు. ముఖ్యంగా స్టార్టప్లు, చిన్న మరియు మధ్యతరహా వ్యాపారాలు ఈ నిర్ణయం వల్ల తీవ్రంగా దెబ్బతింటాయని హెచ్చరించారు.
కంపెనీలు ఇప్పుడు తమ ఉద్యోగుల ఖర్చులను భారీగా పెంచుకోవాల్సి రావడం లేదా తక్కువ నైపుణ్యం కలిగిన వ్యక్తులను నియమించుకోవాల్సి రావడం తప్పదని యూఎస్ ఛాంబర్ ఆఫ్ కామర్స్ కోర్టులో వాదనగా తెలిపింది.
