దర్శక ధీరుడు ఎస్ ఎస్ రాజమౌళి ప్రస్తుతం సూపర్ స్టార్ మహేష్ బాబు హీరోగా, ప్రియాంక చోప్రా హీరోయిన్గా రూపొందుతున్న భారీ ప్రాజెక్ట్ ‘వారణాసి’ పై ఫుల్ ఫోకస్ పెట్టారు. ఇప్పటికే ఈ సినిమాను వచ్చే ఏడాది ఏప్రిల్ 7న విడుదల చేయాలని మేకర్స్ ప్రకటించారు.
షూటింగ్ను వేగంగా పూర్తి చేస్తున్న రాజమౌళికి ఇప్పుడు ఒక అనుకోని అడ్డంకి ఎదురైంది. ఈ సమ్మర్లో చిత్రానికి సంబంధించిన కీలకమైన అండర్వాటర్ యాక్షన్ సన్నివేశాలను చిత్రీకరించాలని ఆయన ప్లాన్ చేశారు. కానీ దేశవ్యాప్తంగా నెలకొన్న నీటి కొరత కారణంగా ఆ సన్నివేశాలకు అవసరమైన అనుమతులు పొందడం కష్టంగా మారినట్లు తెలుస్తోంది.
ఈ కీలక సన్నివేశాలను వాయిదా వేయకుండా పూర్తి చేయాలనే ఉద్దేశంతో రాజమౌళి కొత్త ఆప్షన్లను పరిశీలిస్తున్నట్లు సమాచారం. అవసరమైతే విదేశాల్లో షూటింగ్ చేయడం లేదా సీజీఐ టెక్నాలజీని ఉపయోగించి ఈ సీన్స్ పూర్తి చేసే ఆలోచనలో ఉన్నారట.
భారీ బడ్జెట్తో తెరకెక్కుతున్న ఈ సినిమాపై దేశవ్యాప్తంగా భారీ అంచనాలు నెలకొన్నాయి. ఈ ప్రాజెక్ట్ను దుర్గా ఆర్ట్స్ బ్యానర్పై కే.ఎల్. నారాయణ నిర్మిస్తుండగా, ఎమ్ ఎమ్ కీరవాణి సంగీతాన్ని అందిస్తున్నారు. ఇక ఈ చిత్రంలో పృథ్విరాజ్ సుకుమారన్ విలన్ పాత్రలో కనిపించబోతున్నారు.
మొత్తానికి, సమ్మర్ ఎఫెక్ట్ కారణంగా ‘వారణాసి’ షూటింగ్ ప్లాన్స్లో మార్పులు చోటుచేసుకున్నాయి. అయినప్పటికీ రాజమౌళి తన ప్లానింగ్తో సినిమాను సమయానికి పూర్తి చేస్తారనే నమ్మకం అభిమానుల్లో ఉంది.
