తమిళనాడు అసెంబ్లీ ఎన్నికల్లో నటుడు విజయ్ స్థాపించిన ‘తమిళగ వెట్రి కళగం’ (TVK) పార్టీ ఘన విజయ దిశగా దూసుకుపోతోంది. రాజకీయాల్లో తొలి ప్రయత్నంలోనే విజయ్ పార్టీ అద్భుత ఫలితాలు సాధిస్తుండటంతో దేశవ్యాప్తంగా చర్చనీయాంశమైంది.
ఈ నేపథ్యంలో టాలీవుడ్ మెగాస్టార్ చిరంజీవి సోషల్ మీడియా వేదికగా విజయ్కు ప్రత్యేక శుభాకాంక్షలు తెలిపారు. ఆయన చేసిన ట్వీట్ ఇప్పుడు నెట్టింట వైరల్ అవుతోంది.
చిరంజీవి తన ఎక్స్ ఖాతాలో.. ‘ప్రియమైన విజయ్.. తొలి ఎన్నికల్లోనే అద్భుతమైన విజయాన్ని సాధించినందుకు హృదయపూర్వక శుభాకాంక్షలు. ఇదే సంకల్పంతో ప్రజలకు స్ఫూర్తినిస్తూ, ముందుండి నడిపిస్తూ సేవలు అందించాలని కోరుకుంటున్నాను. తమిళనాడు ప్రజలకు మీరు మరింత మంచి చేయాలని ఆశిస్తున్నాను’ అంటూ పేర్కొన్నారు.
విజయ్ రాజకీయాల్లోకి వచ్చిన తక్కువ కాలంలోనే ప్రజల మద్దతు పొందడం, తొలి ఎన్నికల్లోనే ప్రభంజనం సృష్టించడం సినీ, రాజకీయ వర్గాలను ఆకట్టుకుంది. పలువురు ప్రముఖులు కూడా ఆయనకు అభినందనలు తెలియజేస్తున్నారు.
చిరంజీవి ట్వీట్ సోషల్ మీడియాలో విపరీతంగా షేర్ అవుతోంది. తెలుగు రాష్ట్రాల మెగా అభిమానులతో పాటు తమిళనాడులోని విజయ్ ఫ్యాన్స్ కూడా ఈ పోస్ట్ను వైరల్ చేస్తున్నారు.
మొత్తానికి, విజయ్ రాజకీయ విజయం ఇప్పుడు దేశవ్యాప్తంగా హాట్ టాపిక్గా మారింది.
Dear @actorvijay,
— Chiranjeevi Konidela (@KChiruTweets) May 4, 2026
Hearty congratulations on this outstanding and well-deserved victory in your first election 💐💐💐
May you continue to inspire, lead, and serve with unwavering passion and purpose.
My best wishes to you for your public service to the state of Tamil Nadu and…
