బాలీవుడ్ స్టార్ కపుల్ దీపికా పదుకొణె – రణవీర్ సింగ్ ఇంట్లో త్వరలోనే మరోసారి ఆనందం వెల్లివిరియనుంది. ఈ జంట రెండోసారి తల్లిదండ్రులు కాబోతున్నట్లు అధికారికంగా ప్రకటించారు.
దీపికా తన సోషల్ మీడియా వేదికగా ఒక ప్రత్యేక ఫోటోను షేర్ చేస్తూ ఈ సంతోషకరమైన విషయాన్ని అభిమానులతో పంచుకుంది. ఆ ఫోటోలో వారి కుమార్తె దువా చేతిలో ప్రెగ్నెన్సీ టెస్ట్ కిట్ ఉండగా, కుటుంబమంతా కలిసి కనిపించినట్లు ప్రచారం జరుగుతోంది.
దువా ఇప్పుడు పెద్దక్క కాబోతోందంటూ అభిమానులు కామెంట్లు చేస్తున్నారు. ఈ వార్త బయటకు రావడంతో సినీ ప్రముఖులు, అభిమానులు ఈ జంటకు శుభాకాంక్షలు తెలుపుతున్నారు.
2024 సెప్టెంబర్లో మొదటి బిడ్డ దువా జన్మించిన సంగతి తెలిసిందే. ఇప్పుడు మరోసారి గుడ్న్యూస్ రావడంతో ఫ్యాన్స్ ఆనందంలో మునిగిపోయారు.
ఒకవైపు వ్యక్తిగత జీవితాన్ని ఆస్వాదిస్తూనే, మరోవైపు దీపికా వరుస సినిమాలతో బిజీగా ఉన్నారు. షారుఖ్ ఖాన్ నటిస్తున్న కింగ్ సినిమాలో ఆమె కనిపించనుండగా, అట్లీ దర్శకత్వంలో అల్లు అర్జున్ సరసన రాకా చిత్రంలోనూ నటిస్తుంది.
దీంతో ప్రస్తుతం ఆమె ఒప్పుకున్న సినిమాల షూటింగ్స్ పూర్తి చేసి కొంతకాలం ఇండస్ట్రీకి దూరంగా ఉంటుందా? అనే చర్చలు మొదలయ్యాయి.
ఇక రణవీర్ సింగ్ విషయానికి వస్తే, ఆయన నటించిన ధురంధర్: ది రివెంజ్ చిత్రం ప్రపంచవ్యాప్తంగా భారీ వసూళ్లు సాధించి సంచలనం సృష్టించింది. ప్రస్తుతం ఆయన కొత్త ప్రాజెక్టులతో బిజీగా ఉన్నారు.
మొత్తానికి, దీపికా-రణవీర్ జంట మరోసారి గుడ్న్యూస్ చెప్పడంతో బాలీవుడ్లో ఆనంద వాతావరణం నెలకొంది.
