విలక్షణ నటుడు ప్రకాష్ రాజ్ మరోసారి తన వ్యాఖ్యలతో వార్తల్లో నిలిచారు. సినిమాల్లో ఎక్కువగా విలన్ పాత్రల్లో కనిపించే ఆయన, నిజ జీవితంలో మాత్రం సామాజిక-రాజకీయ అంశాలపై తరచూ స్పందిస్తూ ఉంటారు. సోషల్ మీడియాలో యాక్టివ్గా ఉంటూ రాజకీయ పరిణామాలపై తన అభిప్రాయాలను వ్యక్తం చేస్తుంటారు.
ఇటీవల ఒక ప్రైవేట్ ఈవెంట్లో మాట్లాడిన ప్రకాష్ రాజ్, రాముడు-లక్ష్మణుడు ఉత్తర భారతం నుంచి వచ్చిన వలస కూలీలు అని వ్యాఖ్యానించారు. అలాగే వారు దక్షిణాదిలోని ఒక పొలంలోకి వెళ్లి పండ్లు తిన్నారని తెలిపారు.
ఆ పొలం యజమాని గిరిజనుడైన రావణుడని పేర్కొంటూ మరో వివాదాస్పద వ్యాఖ్య చేశారు. ఈ సంఘటనపై ప్రశ్నించడంతో వివాదం పెద్దది అయిందని అన్నారు. అదేవిధంగా, శూర్పణఖ జీఎస్టీతో కలిపి 2000 డాలర్లు చెల్లించాలని అడిగిందని కూడా వ్యాఖ్యానించినట్లు సమాచారం.
ప్రకాష్ రాజ్ చేసిన ఈ వ్యాఖ్యలపై హిందూ సంఘాలు తీవ్ర ఆగ్రహం వ్యక్తం చేస్తున్నాయి. రామ-లక్ష్మణులను వలస కూలీలుగా వ్యాఖ్యానించడం అభ్యంతరకరమని పేర్కొంటూ, వెంటనే క్షమాపణలు చెప్పాలని డిమాండ్ చేస్తున్నాయి.
ప్రస్తుతం ఈ అంశం సోషల్ మీడియాలో హాట్ టాపిక్గా మారింది. ఒకవైపు విమర్శలు వెల్లువెత్తుతుండగా, మరోవైపు అభిప్రాయ స్వేచ్ఛగా చూస్తున్నవారూ ఉన్నారు.
మొత్తానికి, ప్రకాష్ రాజ్ వ్యాఖ్యలు మరోసారి పెద్ద వివాదానికి దారి తీసినట్లయ్యింది.
