రెండు రోజుల పర్యటనలో భాగంగా భారత రాష్ట్రపతి ద్రౌపది ముర్ము (Droupadi Murmu) ఇవాళ తిరుమల తిరుపతి దేవస్థానం (TTD)లో శ్రీవారిని దర్శించుకున్నారు. ఆమెతో కలిసి టీటీడీ చైర్మన్ బీఆర్ నాయుడు (BR Naidu), ఈవో ఏవీ ధర్మారెడ్డి, ఆలయ ఉన్నతాధికారులు పాల్గొన్నారు.
రాష్ట్రపతి రాక సందర్భంగా ఆలయ అర్చకులు పూర్ణకుంభంతో ఘన స్వాగతం పలికారు. ఆలయ సంప్రదాయం ప్రకారం ముందుగా శ్రీ భూవరాహస్వామి దర్శనం అనంతరం శ్రీ వెంకటేశ్వర స్వామి వారి ఆలయంలో ప్రత్యేక దర్శనం చేశారు.
రాష్ట్రపతి భద్రత దృష్ట్యా ఆలయ పరిసరాల్లో భారీ పోలీసు బందోబస్తు ఏర్పాటు చేయడం జరిగింది.
తిరుమల దర్శనం అనంతరం, రేణిగుంట (Renigunta) విమానాశ్రయం నుంచి ప్రత్యేక విమానంలో బయలుదేరి రాష్ట్రపతి ద్రౌపది ముర్ము మధ్యాహ్నం 12:30 గంటలకు బేగంపేట ఎయిర్పోర్టు (Begumpet Airport)కు చేరుకుంటారు. తరువాత రాజ్భవన్ లో భోజన విరామం అనంతరం సాయంత్రం 4 గంటలకు బొల్లారం రాష్ట్రపతి నిలయానికి వెళ్లనున్నారు.
రేపు ఉదయం 9:30 గంటలకు బేగంపేట ఎయిర్పోర్టు నుంచి రాష్ట్రపతి పుట్టపర్తికి ప్రత్యేక పర్యటన కోసం బయలుదేరనున్నారు.
