అక్కినేని అఖిల్ హీరోగా నటించిన ‘లెనిన్’ చిత్రం బాక్సాఫీస్ వద్ద విజయవంతంగా దూసుకుపోతోంది. భాగ్యశ్రీ బోర్సే హీరోయిన్గా నటించిన ఈ చిత్రానికి మురళీ కిషోర్ అబ్బూరు దర్శకత్వం వహించగా, ఎస్.ఎస్. తమన్ సంగీతం అందించారు. అన్నపూర్ణ స్టూడియోస్, సితార ఎంటర్టైన్మెంట్స్ బ్యానర్లపై అక్కినేని నాగార్జున, సూర్యదేవర నాగవంశీ ఈ చిత్రాన్ని నిర్మించారు.
జూలై 10న విడుదలైన ఈ సినిమా తొలి షో నుంచే పాజిటివ్ టాక్ను సొంతం చేసుకుని బాక్సాఫీస్ వద్ద మంచి వసూళ్లను నమోదు చేసింది. ప్రేక్షకుల ఆదరణతో ఈ చిత్రం భారీ విజయాన్ని అందుకోవడంతో పాటు మంచి లాభాలను కూడా తీసుకొచ్చింది.
తాజాగా ‘లెనిన్’ కలెక్షన్లకు సంబంధించిన ప్రత్యేక పోస్టర్ను చిత్రబృందం విడుదల చేసింది. ఈ పోస్టర్ ద్వారా ప్రపంచవ్యాప్తంగా ఈ సినిమా రూ.100 కోట్ల గ్రాస్ కలెక్షన్లు సాధించినట్లు మేకర్స్ అధికారికంగా ప్రకటించారు. దీంతో ‘లెనిన్’ ప్రతిష్టాత్మక 100 కోట్ల క్లబ్లో చేరిన మరో చిత్రంగా నిలిచింది.
మొదటి వారంలో అద్భుతమైన వసూళ్లు సాధించిన ఈ సినిమా, ఆ తర్వాత కలెక్షన్లు కొంత తగ్గడంతో రూ.100 కోట్ల మార్కును చేరుకోవడం కష్టమని ట్రేడ్ వర్గాలు అంచనా వేశాయి. అయితే ఆ అంచనాలను తలకిందులు చేస్తూ సినిమా 100 కోట్ల గ్రాస్ మార్క్ను అందుకుందని చిత్రబృందం ప్రకటించింది.
ప్రస్తుతం ఈ అఫీషియల్ పోస్టర్ సోషల్ మీడియాలో వైరల్ అవుతోంది. అఖిల్ కెరీర్లో ఈ విజయం మరో కీలక మైలురాయిగా నిలవడంతో అభిమానులు ఆనందం వ్యక్తం చేస్తున్నారు.
