తెలుగు జాతి ఆత్మగౌరవ ప్రతీక, విశ్వవిఖ్యాత నటసార్వభౌమ ఎన్టీఆర్ జయంతి సందర్భంగా మెగాస్టార్ చిరంజీవి ఆయనను స్మరించుకుంటూ సోషల్ మీడియాలో భావోద్వేగభరితమైన పోస్ట్ చేశారు. ఎక్స్ (ట్విట్టర్) వేదికగా స్పందించిన చిరంజీవి.. ఎన్టీఆర్ తెలుగు సినిమా చరిత్రలో చెరగని ముద్ర వేసిన మహానుభావుడని కొనియాడారు.
చిరంజీవి తన పోస్టులో.. ‘ఎన్ని తరాలు మారినా ఎన్టీఆర్ గారి ప్రభావం ఎప్పటికీ చెరిగిపోదు. తెలుగు సినిమా ఆయన లేకుండా ఊహించలేం. ఆయన కేవలం సినిమాకోసమే పుట్టిన మహానుభావుడు’ అంటూ భావోద్వేగంగా పేర్కొన్నారు. ఇటీవల తెలంగాణ ప్రభుత్వం నిర్వహించిన గద్దర్ సినీ అవార్డుల వేడుకలో చిరంజీవికి ప్రతిష్టాత్మక ‘ఎన్టీఆర్ జాతీయ పురస్కారం’ అందించిన విషయం తెలిసిందే.
ఈ సందర్భంగా కూడా చిరంజీవి స్పందిస్తూ.. ‘తెరపై ఎన్నో పాత్రలకు జీవం పోసి, ప్రజల గుండెల్లో శాశ్వత స్థానం సంపాదించుకున్న యుగపురుషుడి పేరుతో ఉన్న అవార్డు అందుకోవడం నా జీవితంలో ఎంతో ప్రత్యేకమైన గౌరవం’ అని పేర్కొన్నారు.
ఎన్టీఆర్ జయంతి సందర్భంగా చిరంజీవి చేసిన ఈ పోస్ట్ ప్రస్తుతం సోషల్ మీడియాలో వైరల్గా మారింది. అభిమానులు కూడా ఎన్టీఆర్ సేవలను స్మరించుకుంటూ పోస్టులు షేర్ చేస్తున్నారు. మొత్తానికి, మెగాస్టార్ చేసిన ఈ ఎమోషనల్ ట్రిబ్యూట్ ఇప్పుడు నందమూరి, మెగా అభిమానుల్లో ప్రత్యేక చర్చకు దారితీసింది.
ఎన్ని తరాలు మారినా ఆ తారక రాముని ప్రభావం చరిత్రలో ఎప్పటికీ చెరిగిపోదు.
— Chiranjeevi Konidela (@KChiruTweets) May 28, 2026
తెరపై అనేక పాత్రలను సజీవంగా ఆవిష్కరించిన మహానటుడిగా…
ప్రజాజీవితంలో తెలుగు జాతి ఆత్మగౌరవానికి ప్రతీకగా… అందరి హృదయాల్లో శాశ్వత స్థానాన్ని సంపాదించిన శ్రీ నందమూరి తారక రామారావు గారు చిరస్మరణీయులు.
ఇటీవల… pic.twitter.com/eEs48pdVhK
