టాలీవుడ్లో ఇప్పటికే పలువురు స్టార్ హీరోలు థియేటర్ బిజినెస్లోకి అడుగుపెట్టి విజయవంతంగా కొనసాగుతున్నారు. ఇప్పుడు అదే బాటలో మెగా పవర్ స్టార్ రామ్ చరణ్, యంగ్ టైగర్ జూనియర్ ఎన్టీఆర్ కూడా మల్టీప్లెక్స్ వ్యాపారంలోకి అడుగుపెట్టనున్నట్లు ఫిల్మ్ నగర్లో జోరుగా ప్రచారం జరుగుతోంది.
సమాచారం ప్రకారం, రామ్ చరణ్ ప్రముఖ ఏషియన్ సినిమాస్తో కలిసి ‘ARC Cinemas’ పేరుతో కొత్త మల్టీప్లెక్స్ను ప్రారంభించే ఆలోచనలో ఉన్నట్లు తెలుస్తోంది. మరోవైపు, జూనియర్ ఎన్టీఆర్ హైదరాబాద్లోని గచ్చిబౌలి ప్రాంతంలో అత్యాధునిక సౌకర్యాలతో కూడిన ప్రీమియం మల్టీప్లెక్స్ను ఏర్పాటు చేయనున్నట్లు ఇండస్ట్రీ వర్గాల్లో టాక్ వినిపిస్తోంది.
ఈ ఇద్దరు స్టార్ హీరోలు దాదాపు ఒకే సమయంలో థియేటర్ బిజినెస్లోకి అడుగుపెట్టే అవకాశాలు ఉన్నాయని ప్రచారం సాగుతోంది. ఇప్పటికే హైదరాబాద్లో AMB Cinemas, AAA Cinemas, ART Cinemas, Allu Cinemas వంటి మల్టీప్లెక్స్లు విజయవంతంగా కొనసాగుతున్న నేపథ్యంలో, చరణ్, తారక్ కూడా ఈ రంగంలోకి వస్తే పోటీ మరింత ఆసక్తికరంగా మారే అవకాశం ఉందని సినీ వర్గాలు భావిస్తున్నాయి.
అయితే, రామ్ చరణ్ లేదా జూనియర్ ఎన్టీఆర్ టీమ్ల నుంచి ఈ వార్తలపై ఇప్పటివరకు ఎలాంటి అధికారిక ప్రకటన వెలువడలేదు. దీంతో ఈ ప్రచారంలో ఎంత వరకు నిజం ఉందనేది అధికారిక ప్రకటన వచ్చే వరకు వేచి చూడాల్సి ఉంది.
