గ్లోబల్ స్టార్ రామ్ చరణ్ హీరోగా తెరకెక్కిన పెద్ది సినిమా విడుదలైన తర్వాత కొన్ని సన్నివేశాలపై సోషల్ మీడియాలో చర్చ జరుగుతోంది. ముఖ్యంగా హీరోయిన్ పాత్ర చిత్రీకరణ, కొన్ని రొమాంటిక్ సన్నివేశాలపై పలువురు ప్రేక్షకులు అభ్యంతరాలు వ్యక్తం చేశారు. ఈ నేపథ్యంలో దర్శకుడు బుచ్చిబాబు సనా సోషల్ మీడియా వేదికగా స్పందిస్తూ ఓ భావోద్వేగ సందేశాన్ని పంచుకున్నారు. ప్రేక్షకుల అభిప్రాయాలను గౌరవిస్తున్నానని, వచ్చిన విమర్శలను చాలా సీరియస్గా తీసుకున్నానని ఆయన తెలిపారు.
ఒక దర్శకుడిగా తన లక్ష్యం ప్రేక్షకులను అలరించడమే తప్ప ఎవరినీ బాధపెట్టడం కాదని బుచ్చిబాబు పేర్కొన్నారు. మహిళల పట్ల తనకు ఎప్పుడూ గౌరవమే ఉందని, ఏ పాత్రను తక్కువగా చూపించాలనే ఉద్దేశం తనకు లేదని స్పష్టం చేశారు. సినిమాలోని కొన్ని సన్నివేశాలు ప్రేక్షకులకు అసౌకర్యంగా అనిపించి ఉంటే అందుకు క్షమాపణలు కోరుతున్నానని ఆయన తెలిపారు.
ప్రేక్షకుల నుంచి వచ్చిన సూచనలు, అభిప్రాయాలను పరిగణనలోకి తీసుకుని వివాదాస్పదంగా మారిన కొన్ని సన్నివేశాల్లో మార్పులు చేయాలని నిర్ణయించినట్లు వెల్లడించారు. ప్రేక్షకుల ఫీడ్బ్యాక్ తమకు ఎంతో విలువైనదని, భవిష్యత్తులో మరింత బాధ్యతాయుతంగా కథలను తెరకెక్కించే ప్రయత్నం చేస్తానని బుచ్చిబాబు చెప్పారు. ప్రతి మహిళ గౌరవానికి అర్హురాలని, బలమైన మహిళా పాత్రలను మరింత ప్రభావవంతంగా చూపించేలా కృషి చేస్తానని హామీ ఇచ్చారు.
తన పనిపై నిజాయితీగా స్పందించిన ప్రేక్షకులు, సినీ అభిమానులకు ఆయన ప్రత్యేకంగా కృతజ్ఞతలు తెలిపారు. దర్శకుడు వెంటనే స్పందించి తన అభిప్రాయాన్ని వెల్లడించడం పట్ల పలువురు నెటిజన్లు ప్రశంసలు వ్యక్తం చేస్తున్నారు. ప్రస్తుతం బుచ్చిబాబు చేసిన ఈ పోస్ట్ సోషల్ మీడియాలో వైరల్గా మారింది.
As a filmmaker, I believe cinema should entertain, inspire, and connect with audiences. It should never make anyone feel uncomfortable or disrespected. We have heard the feedback regarding certain scenes in Peddi and have taken it seriously.
— BuchiBabuSana (@BuchiBabuSana) June 6, 2026
I have always had immense respect for…
