పాన్ ఇండియా స్టార్ ప్రభాస్ ప్రస్తుతం దర్శకుడు సందీప్ రెడ్డి వంగా తెరకెక్కిస్తున్న స్పిరిట్ సినిమాలో నటిస్తున్న సంగతి తెలిసిందే. ఈ ప్రాజెక్ట్పై ఇప్పటికే భారీ అంచనాలు నెలకొన్నాయి.
ఇదిలా ఉంటే, తాజాగా ప్రభాస్ – సందీప్ వంగా కలిసి బయట కనిపించడం అభిమానుల్లో ఆసక్తిని పెంచింది. వీరిద్దరూ కలిసి ధురంధర్ 2: ది రివెంజ్ చిత్రాన్ని వీక్షించినట్లు సమాచారం.
ప్రత్యేకంగా ప్రీమియం డాల్బీ స్క్రీన్ కలిగిన అల్లూ సినిమాస్ లో ఈ సినిమా చూసినట్లు తెలుస్తోంది. దీనికి సంబంధించిన వీరిద్దరి ఫోటో ప్రస్తుతం సోషల్ మీడియాలో వైరల్ అవుతోంది.
సాధారణంగా తమ తమ పనులతో బిజీగా ఉండే ప్రభాస్, సందీప్ వంగా ఇలా కలిసి కనిపించడం అరుదుగా జరుగుతుంది. అందుకే ఈ ఫోటో ఇప్పుడు సినీ వర్గాల్లో హాట్ టాపిక్గా మారింది.
ఇక స్పిరిట్ సినిమా విషయానికి వస్తే, ఇందులో ప్రభాస్ తొలిసారి పోలీస్ అధికారిగా కనిపించబోతున్నట్లు టాక్ వినిపిస్తోంది. ఇప్పటివరకు అలాంటి పాత్రలో కనిపించని ప్రభాస్ను ఆ అవతారంలో చూడాలని అభిమానులు ఆసక్తిగా ఎదురుచూస్తున్నారు.
మొత్తానికి, ఈ తాజా ఫోటోతో స్పిరిట్ పై మరింత హైప్ పెరిగింది. అభిమానుల్లో కొత్త అంచనాలు మొదలయ్యాయి.
