బోయపాటి శ్రీను – బాలయ్య కాంబోపై ఇండస్ట్రీలో మంచి హైపు ఉంది. ఫాన్స్ అయితే ఈ క్రేజీ కాంబో కోసం తెగ వెయిట్ చేస్తుంటారు . ఇప్పటికే వీరి కాంబోలో మూడు సినిమాలు వచ్చాయి. ఈ మూడు ఒక దాన్ని మించి ఒకటి హిట్ అందుకున్నాయి. ప్రజంట్ బాలయ్య బోయపాటి అఖండ 2 తో బాక్సాఫీస్ ని షేక్ చేసేందుకు సిద్ధం అవుతున్నారు. సింహా, లెజెండ్, అఖండ లాంటి బిగ్గెస్ట్ బ్లాక్ బస్టర్ హిట్స్ కొట్టిన వీరిద్దరూ అఖండ 2 తో పాన్ ఇండియా హిట్ కోసం లైన్ లో ఉన్నారు. అఖండ కు సీక్వెల్ గా వస్తున్న ఈ మూవీపై భారీ అంచనాలున్నాయి.
అఘోర పాత్రలో బాలయ్య ఫాన్స్ ని మెస్మరైజ్ చేసారు. మళ్ళీ బాలయ్యని అఘోరాగా చూసేందుకు ఫాన్స్ ఆసక్తిగా ఉన్నారు. రీసెంట్ గా రిలీజ్ చేసిన అఖండ 2 ట్రైలర్ కి మంచి పాజిటివ్ బజ్ వచ్చింది. ట్రైలర్ ఇచ్చిన కిక్ తో ఫాన్స్ తో పాటు పాన్ ఇండియా సినీ లవర్స్ కూడా అఖండ 2 కోసం వెయిట్ చేస్తున్నారు. పాన్ ఇండియా వైడ్ గా డిసెంబర్ 5న అఖండ 2 రిలీజ్ కానుంది. సినిమా హైపు తో పాటు బోయపాటి రెమ్యునరేషన్ కూడా అంతే హైపులో ఉందని టాక్. అఖండ 2 కోసం బోయపాటి భారీ రెమ్యునరేషన్ తీసుకుంటున్నట్లు తెలుస్తోంది. స్కంద సినిమాకు 18 కోట్లు రెమ్యునరేషన్ తీసుకున్న బోయపాటి అఖండ 2 కోసం డబుల్ రెమ్యునరేషన్ అంటే 36 కోట్లు తీసుకున్నట్లు తెలుస్తోంది.
స్కంద డిజాస్టర్ కావటంతో బోయపాటి పేమెంట్ తగ్గుతుంది అని అంతా అనుకున్నారు. కానీ బోయపాటి , బాలయ్య కాంబో కి ఉన్న క్రేజ్ ని దృష్టిలో పెట్టుకుని మేకర్స్ బోయపాటికి డబుల్ పేమెంట్ ఇచ్చినట్లు తెలుస్తోంది. జనరల్ గా ఒక డిజాస్టర్ తరువాత రెమ్యునరేషన్ తగ్గటం కామన్ కానీ పెరగటం చాలా రేర్ అని కామెంట్స్ వినిపిస్తున్నాయి.
