కన్నడ రాకింగ్ స్టార్ యష్ హీరోగా నటిస్తున్న మోస్ట్ అవైటెడ్ పాన్ ఇండియా చిత్రం ‘టాక్సిక్’ విడుదలకు సిద్ధమవుతోంది. గీతూ మోహన్ దాస్ దర్శకత్వంలో తెరకెక్కిన ఈ యాక్షన్ డ్రామాలో నయనతార, కియారా అద్వానీ, రుక్మిణి వసంత్, హుమా ఖురేషి, తారా సుతారియా కీలక పాత్రల్లో నటిస్తున్నారు. ఆగస్టు 26న ప్రపంచవ్యాప్తంగా విడుదల కానున్న ఈ సినిమా ప్రమోషన్స్ ప్రస్తుతం జోరుగా సాగుతున్నాయి.
ఈ సందర్భంగా మీడియాతో మాట్లాడిన యష్ ఆసక్తికర వ్యాఖ్యలు చేశారు. ‘టాక్సిక్’ సినిమా చిన్న పిల్లల కోసం రూపొందించిన చిత్రం కాదని, ఇది పూర్తిగా పెద్దల కోసం తీసిన కథ అని స్పష్టం చేశారు. చిన్నారులు ఈ సినిమాకు దూరంగా ఉండాలని కూడా ఆయన సూచించారు.
సినిమాలోని అంశాలను అర్థం చేసుకునే పరిపక్వత పెద్దలకే ఉంటుందని, ఏది సరైనది, ఏది తప్పు అనే విషయాన్ని వారు సులభంగా గ్రహించగలరని యష్ తెలిపారు. అలాగే ఈ చిత్రం కేవలం యాక్షన్ మాత్రమే కాకుండా భావోద్వేగాలతో కూడిన లోతైన కథను కూడా కలిగి ఉంటుందని చెప్పారు.
‘టాక్సిక్’ ఒక జెన్యూన్ కథతో తెరకెక్కిన సినిమా అని, ప్రేక్షకులకు కొత్త అనుభూతిని అందిస్తుందని యష్ వెల్లడించారు. ప్రస్తుతం ఆయన చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి. దీంతో సినిమా కథపై ప్రేక్షకుల్లో మరింత ఆసక్తి పెరిగింది.
