టాలీవుడ్ ఎనర్జిటిక్ స్టార్ రామ్ పోతినేనికి ఉన్న అభిమాన గణం గురించి ప్రత్యేకంగా చెప్పాల్సిన అవసరం లేదు. తాజాగా ఆయనకు సంబంధించిన ఓ వీరాభిమాని వీడియో సోషల్ మీడియాలో వైరల్ అవుతూ అందరి మనసులను కదిలిస్తోంది.
వివరాల్లోకి వెళ్తే.. తీవ్ర అనారోగ్యంతో బాధపడుతున్న ఓ చిన్నారి, తన అభిమాన హీరో రామ్ పోతినేని ఫొటో చూపిస్తేనే ఆహారం తీసుకుంటున్న దృశ్యాలు వీడియోలో కనిపించాయి. ఆరోగ్య సమస్యల కారణంగా ఆహారం తినేందుకు ఇష్టపడని ఆ బాలికకు, ఆమె తల్లి ప్రతిరోజూ రామ్ ఫోటో చూపిస్తూ తినిపిస్తున్నట్లు తెలుస్తోంది. రామ్ ఫోటో కనిపిస్తేనే ఆ చిన్నారి ఆహారం తీసుకుంటుండటం అందరినీ భావోద్వేగానికి గురిచేస్తోంది.
ఈ హృదయాన్ని తాకే వీడియోను కుటుంబ సభ్యులు, స్థానికులు సోషల్ మీడియాలో షేర్ చేయగా, అది క్షణాల్లో వైరల్ అయింది. వీడియో చూసిన అభిమానులు, నెటిజన్లు తీవ్ర భావోద్వేగానికి లోనవుతూ స్పందిస్తున్నారు.
చాలామంది నెటిజన్లు ఈ వీడియోను రామ్ పోతినేనికి ట్యాగ్ చేస్తూ, ఆ చిన్నారిని ఒకసారి కలవాలని కోరుతున్నారు. రామ్ స్వయంగా వెళ్లి పరామర్శిస్తే ఆ బాలికకు ఎంతో ధైర్యం, ఆనందం కలుగుతుందని అభిప్రాయపడుతున్నారు.
ప్రస్తుతం ఈ వీడియో సోషల్ మీడియాలో విస్తృతంగా షేర్ అవుతుండగా, ఆ చిన్నారి త్వరగా కోలుకోవాలని అభిమానులు ప్రార్థిస్తున్నారు. ఇక ఈ విషయంపై రామ్ పోతినేని ఎలా స్పందిస్తారో చూడాల్సి ఉంది.
anna @ramsayz okasari vellandi plzz 🙏🏼
— RAndoM (@san_shoots) August 14, 2026
Bro @imchanukya nvu aynaaa cheppu annaki plzzz🙏🏼#rampothineni #rapo #rapo23 #tollywood pic.twitter.com/zDgsDBdmiS
