మెగా ప్రిన్స్ వరుణ్ తేజ్ హీరోగా నటించిన తాజా చిత్రం ‘కొరియన్ కనకరాజు’ నేడు ప్రపంచవ్యాప్తంగా ఘనంగా విడుదలైంది. దర్శకుడు మేర్లపాక గాంధీ తెరకెక్కించిన ఈ చిత్రంలో రితికా నాయక్ హీరోయిన్గా నటించగా, కమెడియన్ సత్య కీలక పాత్రలో అలరించారు. ఇండో-కొరియన్ బ్యాక్డ్రాప్లో రూపొందిన ఈ వినోదాత్మక చిత్రం తొలి షో నుంచే ప్రేక్షకుల నుంచి పాజిటివ్ టాక్ను సొంతం చేసుకుంటోంది.
ఈ సందర్భంగా మెగాస్టార్ చిరంజీవి సోషల్ మీడియా వేదికగా చిత్రబృందానికి శుభాకాంక్షలు తెలియజేశారు. ముఖ్యంగా వరుణ్ తేజ్ను అభినందిస్తూ చేసిన పోస్ట్ ప్రస్తుతం వైరల్గా మారింది. ‘కొరియన్ కనకరాజు’ సినిమాకు వస్తున్న అద్భుతమైన స్పందన తనకు ఎంతో ఆనందాన్ని కలిగించిందని చిరంజీవి పేర్కొన్నారు. ఎక్కడ చూసినా థియేటర్లలో నవ్వుల సందడి కనిపిస్తోందని, ప్రేక్షకులు సినిమాను బాగా ఆస్వాదిస్తున్నారని తెలిపారు.
వరుణ్ తేజ్ ఈ విజయానికి పూర్తిగా అర్హుడని కొనియాడిన చిరంజీవి, ఈ సినిమా కోసం అతను పడిన కష్టం, నటన పట్ల చూపిన నిబద్ధతకు ఇప్పుడు తగిన ప్రతిఫలం దక్కిందని అన్నారు. ఈ విజయాన్ని అందుకున్న చిత్రబృందం మొత్తం అభినందనలకు అర్హులని పేర్కొన్నారు. అలాగే తాను కూడా త్వరలోనే ఈ సినిమాను ప్రత్యేకంగా చూసి ఆనందిస్తానని చెప్పారు. బాక్సాఫీస్ వద్ద ‘కొరియన్ కనకరాజు’ మరింత పెద్ద విజయాన్ని సాధించాలని ఆకాంక్షిస్తూ చిత్రబృందానికి శుభాకాంక్షలు తెలిపారు.
ప్రస్తుతం మెగాస్టార్ చిరంజీవి చేసిన ఈ పోస్ట్ సోషల్ మీడియాలో వైరల్ అవుతోంది. అభిమానులు కూడా వరుణ్ తేజ్కు శుభాకాంక్షలు తెలుపుతూ ఈ విజయాన్ని సెలబ్రేట్ చేస్తున్నారు.
