టాలీవుడ్ నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కుతున్న మోస్ట్ అవైటెడ్ చిత్రం ‘ది ప్యారడైజ్’ పై అభిమానుల్లో భారీ అంచనాలు నెలకొన్నాయి. ఈ చిత్రంలో నాని సరసన కాయదు లోహర్ హీరోయిన్గా నటిస్తున్నారు. ఇప్పటికే షూటింగ్ చివరి దశకు చేరుకున్న ఈ సినిమాపై వరుస అప్డేట్స్తో చిత్రబృందం హైప్ పెంచుతోంది.
తాజాగా మేకర్స్ ‘ది ప్యారడైజ్’ టీజర్ను విడుదల చేశారు. ఈ టీజర్లో నాని ఇప్పటివరకు కనిపించని పవర్ఫుల్ మాస్ అవతార్లో కనిపించి అభిమానులను ఆకట్టుకున్నారు. యాక్షన్ సన్నివేశాలు, నాని స్క్రీన్ ప్రెజెన్స్ టీజర్కు ప్రధాన ఆకర్షణగా నిలిచాయి.
ముఖ్యంగా సంగీత దర్శకుడు అనిరుధ్ రవిచందర్ అందించిన బ్యాక్గ్రౌండ్ స్కోర్ టీజర్ను మరో స్థాయికి తీసుకెళ్లింది. అలాగే “దిష్టంతా పోవాలే!” అంటూ నాని చెప్పే డైలాగ్ అభిమానులకు గూస్బంప్స్ తెప్పిస్తోంది. చేతి నిండా బ్లేడ్లు పట్టుకుని వార్నింగ్ ఇచ్చే సన్నివేశం టీజర్లో హైలైట్గా నిలిచింది.
టీజర్ విడుదలైన కొద్ది సేపటికే సోషల్ మీడియాలో వైరల్గా మారింది. నాని కొత్త మాస్ లుక్, యాక్షన్ ఎపిసోడ్స్, అనిరుధ్ బీజీఎం సినిమాపై అంచనాలను మరింత పెంచేశాయి.
శ్రీకాంత్ ఓదెల దర్శకత్వంలో తెరకెక్కుతున్న ఈ భారీ యాక్షన్ ఎంటర్టైనర్ను వచ్చే నెల 24న ప్రపంచవ్యాప్తంగా విడుదల చేయనున్నట్లు చిత్రబృందం ప్రకటించింది. ప్రస్తుతం ఈ టీజర్ నాని అభిమానుల్లో పూర్తి మాస్ జాతర వాతావరణాన్ని తీసుకొచ్చింది.
