యువ నటుడు కిరణ్ అబ్బవరం, శ్రీ గౌరీ ప్రియ జంటగా నటిస్తున్న రొమాంటిక్ ఎంటర్టైనర్ ‘చెన్నై లవ్ స్టోరీ’ జూలై 24న ప్రపంచవ్యాప్తంగా ప్రేక్షకుల ముందుకు రానుంది. విడుదలకు ముందే ఈ సినిమాపై మంచి అంచనాలు నెలకొన్నాయి.
ఈ నేపథ్యంలో చిత్రబృందం కీలక ప్రకటన చేసింది. ‘చెన్నై లవ్ స్టోరీ’ వరల్డ్ ఫస్ట్ ప్రీమియర్ షోను తిరుపతిలో నిర్వహించనున్నట్లు అధికారికంగా వెల్లడించింది. జూలై 23 సాయంత్రం 7:02 గంటలకు తిరుపతిలోని పీజీఆర్ సినిమాస్లో ఈ ప్రత్యేక ప్రీమియర్ షో ప్రదర్శించనున్నారు.
ఇప్పటికే ఈ ప్రీమియర్ షోకు సంబంధించిన టికెట్ బుకింగ్స్ ప్రారంభమైనట్లు మేకర్స్ తెలిపారు. విడుదలకు ఒక రోజు ముందే ప్రేక్షకుల ముందుకు రానున్న ఈ ప్రత్యేక ప్రదర్శనపై అభిమానులు ఆసక్తిగా ఎదురుచూస్తున్నారు.
ప్రేమకథా నేపథ్యంలో తెరకెక్కిన ఈ చిత్రానికి రవి నంబూరి దర్శకత్వం వహించగా, ప్రముఖ సంగీత దర్శకుడు మణిశర్మ సంగీతం అందించారు. ఇప్పటికే విడుదలైన ప్రచార చిత్రాలు, పాటలు ప్రేక్షకులను ఆకట్టుకోవడంతో సినిమాపై పాజిటివ్ బజ్ ఏర్పడింది.
విడుదలకు ముందే వరల్డ్ ఫస్ట్ ప్రీమియర్ నిర్వహించడం సినిమాపై మరింత ఆసక్తిని పెంచుతోంది. ఈ ప్రీమియర్కు ప్రేక్షకుల నుంచి ఎలాంటి స్పందన వస్తుందో చూడాలి.
