పవర్ స్టార్ పవన్ కళ్యాణ్ – స్టార్ డైరెక్టర్ హరీష్ శంకర్ కాంబినేషన్లో రూపుదిద్దుకుంటున్న ‘ఉస్తాద్ భగత్ సింగ్’ ఇప్పటికే భారీ అంచనాలు సెట్ చేసింది. ‘గబ్బర్ సింగ్’ తర్వాత ఈ బ్లాక్బస్టర్ కాంబో మళ్లీ కలవడంతో, ప్రేక్షకులు ఈ సినిమాపై ప్రత్యేక ఆసక్తి కనబరుస్తున్నారు.
ఇప్పటికే షూటింగ్ పూర్తయ్యి, పోస్ట్ ప్రొడక్షన్ పనులు జరుగుతున్న ఈ చిత్రంలోని ఫస్ట్ సింగిల్ ‘దేఖ్లేంగే సాలా’ లిరికల్ వీడియోను శనివారం సాయంత్రం విడుదల చేశారు. రాజమండ్రి ఆదిత్య యూనివర్సిటీలో జరిగిన గ్రాండ్ ఈవెంట్లో పాటను లాంచ్ చేయగా, అది సోషల్ మీడియాలో వేగంగా వైరల్ అవుతోంది.
“రంపంపం రంపంపం… స్టెప్పేస్తే భూకంపం..” అంటూ సాగిపోయే ఈ పెప్పీ ట్రాక్కు
- భాస్కరభట్ల క్యాచీ లిరిక్స్
- దేవిశ్రీ ప్రసాద్ ఎనర్జిటిక్ కంపోజిషన్
- విశాల్ దద్లానీ పవర్ఫుల్ వాయిస్
సూపర్ రెస్పాన్స్ తెచ్చాయి.
ముఖ్యంగా పవర్ స్టార్ డ్యాన్స్ స్టెప్పులు ఈ పాటలో ప్రత్యేక ఆకర్షణ. లాంగ్ గ్యాప్ తర్వాత పవన్ కళ్యాణ్ ఇలా ఎనర్జిటిక్ గా డ్యాన్స్ చేయడం ప్రేక్షకులకు కొత్తగా, ఫ్రెష్ గా అనిపిస్తోంది. దినేష్ మాస్టర్ ఈసారి పవన్ కు స్టైలిష్ మూవ్స్ డిజైన్ చేయగా, అవి అభిమానులను ఫిదా చేస్తున్నాయి.
యంగ్ బ్యూటీ శ్రీలీల కూడా పవన్కు సరితూగే ఎనర్జీతో స్క్రీన్పై మెరిసింది. పాట సెటప్, విజువల్స్ అన్నీ కలిసి ‘దేఖ్లేంగే సాలా’ ను ఓ సూపర్ హిట్ సాంగ్గా నిలబెట్టాయి.
సినిమాలో పవన్ సరసన శ్రీలీల, రాశీ ఖన్నా హీరోయిన్లుగా నటిస్తున్నారు. మైత్రీ మూవీ మేకర్స్ బ్యానర్పై నవీన్ ఎర్నేని, రవిశంకర్ Y. ఈ ప్రాజెక్ట్ను గ్రాండ్ స్కేల్లో నిర్మిస్తున్నారు.
ఇప్పుడు ఫస్ట్ సింగిల్తో హైప్ మరింత పెరగడంతో, ఉస్తాద్ భగత్ సింగ్ రిలీజ్ డేట్ కోసం ప్రేక్షకులు ఆతృతగా ఎదురు చూస్తున్నారు.
