ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబినేషన్లో తెరకెక్కుతున్న భారీ ప్రాజెక్ట్ రాకా ఇప్పుడు మరోసారి వార్తల్లో నిలిచింది. ఈసారి సినిమా కథ కంటే, ఇందులో నటిస్తున్న స్టార్ల పారితోషికాలే ఇండస్ట్రీలో హాట్ టాపిక్గా మారాయి.
సన్ పిక్చర్స్ నిర్మిస్తున్న ఈ చిత్రానికి భారీ బడ్జెట్ కేటాయించినట్లు ఇప్పటికే టాక్ ఉంది. ఇప్పుడు బయటకు వస్తున్న సమాచారం ప్రకారం, ఈ సినిమాకు అల్లు అర్జున్ ఏకంగా రూ. 175 కోట్లు పారితోషికంగా తీసుకుంటున్నట్లు ప్రచారం జరుగుతోంది. సౌత్ ఇండియాలో ఇది ఒక హీరోకి అత్యధిక రెమ్యునరేషన్గా భావిస్తున్నారు.
ఇక ఈ చిత్రంలో హీరోయిన్గా నటిస్తున్న గ్లోబల్ స్టార్ దీపికా పదుకొణెకు సుమారు రూ. 25 కోట్లు ఇస్తున్నట్లు సమాచారం. ఇది సౌత్ సినిమాల్లో హీరోయిన్కు ఇచ్చే అత్యధిక పారితోషికాల్లో ఒకటిగా నిలవొచ్చు.
అంతేకాకుండా, ఈ సినిమాలో మరో పలు స్టార్ హీరోయిన్లు కూడా కనిపించనున్నట్లు టాక్. రష్మిక మందన్న, మృణాల్ ఠాకూర్, జాన్వీ కపూర్ వంటి భామలు కూడా కీలక పాత్రల్లో నటిస్తున్నారనే వార్తలు వినిపిస్తున్నాయి. వీరిలో రష్మిక మందన్నకు సుమారు రూ. 5 – 7 కోట్లు రెమ్యునరేషన్ ఇస్తున్నట్లు సోషల్ మీడియాలో ప్రచారం జరుగుతోంది.
ఇంతమంది స్టార్ నటీనటులను ఒకే సినిమాలో తీసుకురావడం అట్లీ స్థాయిని చూపిస్తోంది. ఇటీవల బన్నీ బర్త్డే సందర్భంగా విడుదలైన పోస్టర్ కూడా సినిమాపై భారీ హైప్ను క్రియేట్ చేసింది.
ప్రస్తుతం శరవేగంగా షూటింగ్ జరుపుకుంటున్న ఈ చిత్రం, 2026 చివర్లో విడుదలయ్యే అవకాశాలు ఉన్నట్లు సమాచారం. మొత్తానికి రాకా సినిమా కేవలం కథతోనే కాదు, భారీ బడ్జెట్ మరియు రెమ్యునరేషన్లతో కూడా ఇండస్ట్రీలో సంచలనం సృష్టిస్తోంది.
