అక్కినేని అఖిల్ కెరీర్లో అత్యంత ప్రతిష్టాత్మకంగా తెరకెక్కుతున్న చిత్రం లెనిన్. ఏజెంట్ తర్వాత దాదాపు రెండేళ్ల గ్యాప్ తీసుకున్న అఖిల్ ఈ సినిమాతో రాబోతుండటంతో ఇప్పటికే ఈ ప్రాజెక్ట్పై భారీ అంచనాలు నెలకొన్నాయి.
మొదటగా ఈ సినిమాను మే 1న విడుదల చేయాలని మేకర్స్ ప్రకటించారు. అయితే ఇటీవల ఈ సినిమా వాయిదా పడినట్లు వార్తలు రావడంతో అభిమానుల్లో అనుమానాలు నెలకొన్నాయి. తాజాగా ఈ విషయంపై చిత్రబృందం అధికారిక ప్రకటన విడుదల చేసి క్లారిటీ ఇచ్చింది.
#LENIN will now arrive on June 26th, 2026. ❤️🔥#LeninOnJune26th @AkhilAkkineni8 #BhagyashriBorse @iamnagarjuna @vamsi84 @musicthaman @KishoreAbburu @NavinNooli @artkolla @leonbrittodp @pramodactor1 @brindhagopal1 @AnnapurnaStdios #ManamEnterprisesLLP @SitharaEnts @tseriessouth pic.twitter.com/EB9Y6c30Ip
— Annapurna Studios (@AnnapurnaStdios) March 28, 2026
మేకర్స్ వెల్లడించిన ప్రకారం, రామ్ చరణ్ నటిస్తున్న పెద్ది చిత్రం ఏప్రిల్ 30న విడుదల అవుతున్న నేపథ్యంలో, రెండు పెద్ద సినిమాలు ఒకేసారి పోటీ పడకుండా ఉండేందుకు లెనిన్ విడుదలను వాయిదా వేయాలని నిర్ణయించారు. అఖిల్, రామ్ చరణ్ల మధ్య ఉన్న స్నేహాన్ని గౌరవిస్తూ ఈ నిర్ణయం తీసుకున్నట్లు తెలిపారు.
ఇక లెనిన్ సినిమా 2026 జూన్ 26న ప్రపంచవ్యాప్తంగా గ్రాండ్ థియేట్రికల్ రిలీజ్ కానుంది. భావోద్వేగాలతో నిండిన పూర్తి ఎంటర్టైనర్గా ఈ చిత్రాన్ని ప్రేక్షకుల ముందుకు తీసుకురాబోతున్నామని మేకర్స్ తెలిపారు.
దర్శకుడు మురళీ కిషోర్ అబ్బూరు తెరకెక్కిస్తున్న ఈ చిత్రంలో అఖిల్ సరసన కన్నడ నటి భాగ్యశ్రీ బోర్సే హీరోయిన్గా నటిస్తోంది.
మొత్తానికి విడుదల తేదీపై ఉన్న సందేహాలకు తెరపడగా, లెనిన్ కోసం అభిమానులు మరోసారి ఆసక్తిగా ఎదురుచూస్తున్నారు.
