స్టార్ హీరోయిన్ సమంత ప్రధాన పాత్రలో నటించిన మా ఇంటి బంగారం చిత్రం బాక్సాఫీస్ వద్ద విజయవంతంగా ప్రదర్శితమవుతోంది. నందిని రెడ్డి దర్శకత్వంలో తెరకెక్కిన ఈ సినిమా జూన్ 19న ప్రేక్షకుల ముందుకు వచ్చి పాజిటివ్ టాక్ను సొంతం చేసుకుంది. ఫ్యామిలీ ఎంటర్టైనర్గా రూపొందిన ఈ చిత్రం ప్రేక్షకుల నుంచి మంచి ఆదరణ పొందుతూ, ఇప్పటికే రూ.50 కోట్లకు పైగా గ్రాస్ కలెక్షన్లు సాధించినట్లు ట్రేడ్ వర్గాలు చెబుతున్నాయి. దీంతో ఈ సినిమా ఓటీటీ, శాటిలైట్ హక్కులపై కూడా భారీ ఆసక్తి నెలకొంది.
తాజా సమాచారం ప్రకారం.. మా ఇంటి బంగారం శాటిలైట్ హక్కులను స్టార్ మా దక్కించుకోగా, డిజిటల్ స్ట్రీమింగ్ హక్కులను జియో హాట్స్టార్ సొంతం చేసుకున్నట్లు తెలుస్తోంది. థియేట్రికల్ రన్ పూర్తైన తర్వాత ఈ చిత్రం జియో హాట్స్టార్లో స్ట్రీమింగ్కు రానుండగా, అనంతరం స్టార్ మా ఛానల్లో ప్రసారం కానున్నట్లు సమాచారం.
ఈ సినిమాలో సమంత నటనకు ప్రేక్షకుల నుంచి ప్రశంసలు లభిస్తున్నాయి. ముఖ్యంగా యాక్షన్ సన్నివేశాల్లో ఆమె చూపించిన పెర్ఫార్మెన్స్ సినిమాకు ప్రధాన ఆకర్షణగా నిలిచింది. గతంలో ది ఫ్యామిలీ మ్యాన్ 2 లో తన యాక్షన్ అవతార్తో ఆకట్టుకున్న సమంత, మా ఇంటి బంగారం లో కూడా అదే స్థాయిలో మెప్పించిందని అభిమానులు అభిప్రాయపడుతున్నారు.
ప్రస్తుతం థియేటర్లలో విజయవంతంగా కొనసాగుతున్న ఈ సినిమా, ఓటీటీలోకి ఎప్పుడు వస్తుందా అని ప్రేక్షకులు ఆసక్తిగా ఎదురుచూస్తున్నారు.
