టాలీవుడ్ బాక్సాఫీస్ను షేక్ చేయబోయే మరో భారీ ప్రాజెక్ట్పై అప్డేట్ వచ్చింది. ఐకాన్ స్టార్ అల్లు అర్జున్, మాస్ డైరెక్టర్ అట్లీ కాంబినేషన్లో తెరకెక్కుతున్న క్రేజీ మూవీ AA-22 ఇప్పటికే దేశవ్యాప్తంగా భారీ అంచనాలు క్రియేట్ చేసింది.
ఈ కాంబినేషన్ అనౌన్స్ అయినప్పటి నుంచే రికార్డులు తిరగరాయడం ఖాయమని అభిమానులు భావిస్తున్నారు. ఇప్పుడు ఆ అంచనాలను మరింత పెంచుతూ సన్ పిక్చర్స్ అదిరిపోయే అప్డేట్ ఇచ్చింది.
రేపు (ఏప్రిల్ 8) ఉదయం 11 గంటలకు ఈ సినిమా టైటిల్ను అధికారికంగా ప్రకటించనున్నట్లు మేకర్స్ వెల్లడించారు. అల్లు అర్జున్ పుట్టినరోజు సందర్భంగా ఈ అనౌన్స్మెంట్ రావడంతో ఫ్యాన్స్లో ఎక్స్పెక్టేషన్స్ మరింత పెరిగాయి.
ఇదిలా ఉంటే, తాజాగా విడుదల చేసిన పోస్టర్ ఒక్కసారిగా సోషల్ మీడియాలో వైరల్ అయింది. ఇందులో పొడవైన గోర్లు, దట్టమైన వెంట్రుకలతో ఒక క్రూర మృగం చేయి భయానకంగా కనిపిస్తోంది. బ్యాక్గ్రౌండ్లో చీకటి ఆకాశం, వింత కోటలు కనిపించడం సినిమాపై ఆసక్తిని రెట్టింపు చేసింది.
ఈ పోస్టర్ ఆధారంగా చూస్తే, ఇది ఒక ప్యారలల్ యూనివర్స్ కథగా ఉండొచ్చని చర్చ జరుగుతోంది. మనం తెలిసిన ప్రపంచం కాకుండా మరో వింత ప్రపంచంలో జరిగే కథగా ఈ సినిమా తెరకెక్కుతుందని టాక్.
ఇక ఆ చేయి ఎవరిది? అల్లు అర్జున్ ఏదైనా ప్రత్యేక శక్తులు ఉన్న పాత్రలో కనిపిస్తాడా? అనే సందేహాలు అభిమానుల్లో చర్చకు దారితీస్తున్నాయి. బ్లాస్ట్కు సిద్ధంగా ఉండండి అంటూ మేకర్స్ ఇచ్చిన హింట్ కూడా సినిమాపై హైప్ను పెంచుతోంది.
సోషల్ మీడియాలో వినిపిస్తున్న టాక్ ప్రకారం, ఈ చిత్రానికి అల్లు అర్జున్ తనయుడు పేరైన ‘అయాన్’ అనే టైటిల్ను కూడా పరిశీలిస్తున్నట్లు తెలుస్తోంది.
ఈ హై వోల్టేజ్ యాక్షన్ డ్రామాలో బాలీవుడ్ స్టార్ దీపికా పదుకొణె హీరోయిన్గా నటిస్తుంది. అలాగే మ్యూజిక్ సెన్సేషన్ సాయి అభ్యంకర్ సంగీతం అందిస్తున్నారు.
మొత్తానికి, అట్లీ – బన్నీ కాంబో బాక్సాఫీస్ వద్ద భారీ ప్లాన్తో వస్తోందని స్పష్టంగా తెలుస్తోంది. ఇక రేపు టైటిల్ అనౌన్స్మెంట్తో ఈ ప్రాజెక్ట్ ఎలాంటి సంచలనం సృష్టిస్తుందో చూడాలి.
