మెగా అభిమానులు ఎంతో ఆసక్తిగా ఎదురుచూస్తున్న ‘ఉస్తాద్ భగత్ సింగ్’ సినిమా బాక్సాఫీస్ వద్ద సందడి చేసేందుకు సిద్ధమవుతోంది. ముందుగా ప్రకటించిన విడుదల తేదీ కంటే ముందుగానే ఈ సినిమాను ప్రేక్షకుల ముందుకు తీసుకురావాలని చిత్రబృందం నిర్ణయించింది.
మొదట ఈ చిత్రాన్ని ఈ నెల 26న విడుదల చేయాలని ప్లాన్ చేసినప్పటికీ, ఇప్పుడు ఉగాది పండుగ సందర్భంగా ఈ నెల 19న ప్రపంచవ్యాప్తంగా విడుదల చేయనున్నట్లు నిర్మాతలు ప్రకటించారు. “ఈ ఉగాదికి ఉస్తాద్ ఊచకోత” అనే ట్యాగ్లైన్తో విడుదల చేసిన స్పెషల్ పోస్టర్లో పవన్ కళ్యాణ్ మాస్ లుక్ అభిమానులను ఆకట్టుకుంటోంది.
ఈ భారీ యాక్షన్ ఎంటర్టైనర్లో పవన్ కళ్యాణ్ సరసన శ్రీలీల, రాశి ఖన్నా హీరోయిన్లుగా నటిస్తున్నారు. ‘గబ్బర్ సింగ్’ వంటి మాస్ బ్లాక్బస్టర్ తర్వాత పవన్ కళ్యాణ్ – హరీష్ శంకర్ కాంబినేషన్లో వస్తున్న సినిమా కావడంతో అంచనాలు భారీగా ఉన్నాయి.
ఇక సంగీత దర్శకుడు దేవి శ్రీ ప్రసాద్ అందించిన పాటలు, బ్యాక్గ్రౌండ్ స్కోర్ ఈ సినిమాకు ప్రత్యేక ఆకర్షణగా నిలుస్తాయని చిత్రబృందం చెబుతోంది. మైత్రీ మూవీ మేకర్స్ నిర్మిస్తున్న ఈ సినిమాలో పవన్ కళ్యాణ్ పవర్ఫుల్ పోలీస్ ఆఫీసర్ పాత్రలో కనిపించనున్నారు.
రిలీజ్ తేదీ ముందుకు రావడంతో పవర్ స్టార్ అభిమానులు ఆనందం వ్యక్తం చేస్తున్నారు. ఉగాది పండుగకు ముందే థియేటర్ల వద్ద భారీ సంబరాలు ఉండనున్నాయని ఫ్యాన్స్ భావిస్తున్నారు.
