బాలీవుడ్ స్టార్ హీరోయిన్ కత్రినా కైఫ్ (Katrina Kaif), నటుడు విక్కీ కౌశల్ (Vicky Kaushal) దంపతులు జీవితంలో అతి పెద్ద ఆనందకర వార్తను పంచుకున్నారు. ఈ స్టార్ జంట తల్లిదండ్రులయ్యారు. నవంబర్ 7న కత్రినా కైఫ్ పండంటి మగబిడ్డకు జన్మనిచ్చింది.
ఈ శుభవార్తను సోషల్ మీడియాలో పంచుకున్న కత్రినా-విక్కీ దంపతులు, “మా జీవితంలో ఆనందం రెట్టింపు అయింది. అపారమైన ప్రేమ, కృతజ్ఞతలతో మా స్పెషల్ పర్సన్ను – మా బాబును స్వాగతిస్తున్నాం. మీ అందరి ఆశీర్వాదాలు కావాలి” అని రాసుకొచ్చారు.
ఈ పోస్ట్తో సోషల్ మీడియా అంతా హర్షాతిరేకంగా మారింది. అభిమానులు, సినీ సెలబ్రిటీలు, స్నేహితులు ఈ జంటకు శుభాకాంక్షలు తెలియజేస్తున్నారు.
కొన్నేళ్ల పాటు డేటింగ్ చేసిన కత్రినా-విక్కీ జంట 2021లో కుటుంబ సభ్యుల సమక్షంలో వివాహం చేసుకున్నారు. వయసులో విక్కీ చిన్నవాడైనా, ప్రేమకు వయసు అడ్డుకాదని నిరూపిస్తూ ఈ జంట ఏడడుగులు వేసి అందరినీ ఆశ్చర్యపరిచింది.
ఇటీవలే కత్రినా ప్రెగ్నెన్సీ వార్తలు సోషల్ మీడియాలో వైరల్గా మారగా, ఇప్పుడు ఆ వార్తలు నిజమయ్యాయి. నాలుగేళ్ల వివాహజీవితం తర్వాత తమ బిడ్డ పుట్టడంతో ఈ జంట ఆనందంలో మునిగిపోయారు.
సినిమాల విషయానికొస్తే – కత్రినా కైఫ్ ప్రస్తుతం ఇండస్ట్రీకి దూరంగా ఉంటే, విక్కీ కౌశల్ మాత్రం వరుస హిట్లతో దూసుకుపోతున్నారు. ఇటీవల విడుదలైన ‘ఛావా’ సినిమాతో సక్సెస్ అందుకున్న ఆయన, ప్రస్తుతం ‘లవ్ అండ్ వార్’ సినిమాలో నటిస్తూ మరోసారి మ్యాజిక్ చేయడానికి సిద్ధమవుతున్నారు.
