చిన్న సినిమాగా విడుదలైన ‘రాజు వెడ్స్ రాంబాయి’ ఇప్పుడు టాలీవుడ్లో పెద్ద సంచలనంగా మారింది. గ్రామీణ నేపథ్యంలోని పవిత్ర ప్రేమకథతో తెరకెక్కిన ఈ చిత్రం విడుదలైన కొద్ది రోజుల్లోనే ‘రూరల్ కల్ట్ బ్లాక్బస్టర్’ గా పేరు తెచ్చుకుంది. థియేటర్లలో స్ట్రాంగ్గా రన్ అవుతూ ప్రేక్షకుల ప్రశంసలు అందుకుంటోంది.
ఈ చిత్రానికి సాయిలు కంపటి దర్శకత్వం వహించగా, వేణు ఊడుగుల-రాహుల్ మోపిదేవి నిర్మించారు. సంగీతం సురేష్ బొబ్బిలి, సినిమాటోగ్రఫీ వాజిద్ బ్యాగ్ అందించారు. అఖిల్ ఉద్దేమరి, తేజస్వి రావు ప్రధాన పాత్రల్లో నటించగా, శివాజీ రాజా, చైతూ జొన్నలగడ్డ, అనిత చౌదరి తదితరులు కీలక పాత్రల్లో కనిపించారు.
విడుదల తొలి వారంలోనే ఈ చిత్రం ₹10 కోట్లకు పైగా గ్రాస్ కలెక్షన్లు రాబట్టి చిన్న సినిమాగా పెద్ద విజయం సాధించింది. ముఖ్యంగా నిజాం ప్రాంతంలో భారీగా ఆదరణ లభించింది. అయితే ఆంధ్ర & సీడెడ్ ప్రాంతాల్లో వసూళ్లు కొంత తగ్గడంతో, అక్కడ ప్రేక్షకులను ఆకర్షించేందుకు మూవీ టీమ్ ఒక ప్రత్యేక ఆఫర్ ప్రకటించింది.
మహిళలకు ఉచిత షోలు (Free Shows for Women)
“మా రాంబాయి కథ… ప్రతి మహిళ కోసం!” అనే ట్యాగ్లైన్తో, ఆంధ్ర & సీడెడ్ ప్రాంతాల్లోని ఎన్నో ప్రముఖ థియేటర్లలో మహిళలకు పూర్తిగా ఉచిత ప్రదర్శనలు ఏర్పాటు చేశారు. మహిళలు సంబంధిత థియేటర్లకు నేరుగా వెళ్లి ఫ్రీ టికెట్లు తీసుకుని సినిమా చూడొచ్చు.
ఉచిత షోలు ఉన్న థియేటర్ల లిస్ట్ (ఆంధ్ర & సీడెడ్)
విశాఖపట్నం: శ్రీ కన్య, జగదాంబ
విజయనగరం: కృష్ణ
శ్రీకాకుళం: సూర్య మహల్
రాజమండ్రి: ఊర్వశి కాంప్లెక్స్
కాకినాడ: పద్మ ప్రియ కాంప్లెక్స్
ఏలూరు: అంబికా కాంప్లెక్స్
తణుకు: శ్రీ వెంకటేశ్వర
విజయవాడ: స్వర్ణ కాంప్లెక్స్
మచిలీపట్నం: సిరి కృష్ణ
గుంటూరు: బాలీవుడ్
ఒంగోలు: గోపి
నెల్లూరు: సిరి మల్టీప్లెక్స్
కావలి: లత (2 షోలు), మానస (2 షోలు)
చిత్తూరు: గురునాథ్
తిరుపతి: జయ శ్యామ్
నంద్యాల: నిధి
కర్నూలు: ఆనంద్
కడప: రవి
రాయచోటి: సాయి
అనంతపురం: SV సినీమాక్స్
హిందూపురం: గురునాథ్
ఈ ఫ్రీ షోలు మహిళా ప్రేక్షకుల చేరికను పెంచి, చిత్ర విజయానికి మరింత బలం చేకూరుస్తాయని యూనిట్ ఆశిస్తోంది. ముఖ్యంగా గ్రామీణ ప్రేమకథలను ఇష్టపడేవారికి ఈ సినిమా ప్రత్యేక అనుభూతిని ఇస్తోందని ప్రేక్షకులు అంటున్నారు.
