నందమూరి బాలకృష్ణ ప్రస్తుతం వరుస సినిమాలతో బిజీగా ఉన్నారు. గోపీచంద్ మలినేని దర్శకత్వంలో తెరకెక్కుతున్న ఆయన తాజా చిత్రం ప్రస్తుతం ‘NBK111’ అనే వర్కింగ్ టైటిల్తో షూటింగ్ జరుపుకుంటోంది. ఈ సినిమాకు సంబంధించిన తాజా అప్డేట్ అభిమానుల్లో ఆసక్తిని పెంచుతోంది.
బాలకృష్ణ గతంలో పలు సందర్భాల్లో వీలైనంత వరకు తన సినిమాల షూటింగ్ను ఆంధ్రప్రదేశ్లోనే నిర్వహించాలని కోరుకుంటున్నట్లు తెలిపారు. దీంతో స్థానిక ప్రజలకు ఉపాధి అవకాశాలు పెరుగుతాయని ఆయన అభిప్రాయపడ్డారు. ఇప్పుడు అదే మాటను ఆయన మరోసారి నిలబెట్టుకుంటున్నట్లు తెలుస్తోంది.
తాజా సమాచారం ప్రకారం, ‘NBK111’ తదుపరి షూటింగ్ షెడ్యూల్ ఆంధ్రప్రదేశ్లో జరగనుంది. ఈ షెడ్యూల్ను కాకినాడ, రాజమహేంద్రవరం పరిసర ప్రాంతాల్లో చిత్రీకరించేందుకు చిత్రబృందం సన్నాహాలు చేస్తున్నట్లు సినీ వర్గాల్లో ప్రచారం జరుగుతోంది.
ఇప్పటికే ఈ చిత్రానికి సంబంధించిన కీలక సన్నివేశాల చిత్రీకరణ పూర్తవగా, తాజా షెడ్యూల్తో షూటింగ్ మరింత వేగం అందుకోనుంది. ఈ వార్తతో బాలయ్య అభిమానులు ఆనందం వ్యక్తం చేస్తున్నారు.
ఈ చిత్రంలో బాలకృష్ణ సరసన కాజల్ అగర్వాల్ హీరోయిన్గా నటిస్తుండగా, ఎస్.ఎస్. తమన్ సంగీతం అందిస్తున్నారు. వృద్ధి సినిమాస్ బ్యానర్పై ఈ చిత్రం నిర్మితమవుతోంది. దసరా లేదా ఈ ఏడాది డిసెంబర్లో సినిమాను ప్రేక్షకుల ముందుకు తీసుకురావాలని చిత్రబృందం ప్రణాళికలు సిద్ధం చేస్తున్నారు.
