యంగ్ టైగర్ ఎన్టీఆర్, మాటల మాంత్రికుడు త్రివిక్రమ్ కాంబినేషన్ అంటే టాలీవుడ్లో ప్రత్యేకమైన క్రేజ్ ఉంటుంది. గతంలో వీరిద్దరి కలయికలో వచ్చిన ‘అరవింద సమేత’ భారీ విజయాన్ని అందుకోవడంతో, మరోసారి ఈ కాంబో రిపీట్ అవుతుందనే వార్తలు అభిమానుల్లో ఆసక్తిని పెంచుతున్నాయి.
ఇప్పటికే ఈ ప్రాజెక్ట్పై పలు రూమర్స్ సోషల్ మీడియాలో వైరల్ అవుతుండగా, తాజాగా మరో ఇంట్రెస్టింగ్ అప్డేట్ ఫిల్మ్ నగర్లో చక్కర్లు కొడుతోంది.
తాజా సమాచారం ప్రకారం.. ఈ సినిమాకు ‘గాడ్స్ ఆఫ్ వార్’ అనే పవర్ఫుల్ టైటిల్ను పరిశీలిస్తున్నట్లు టాక్ వినిపిస్తోంది. టైటిల్ను బట్టి చూస్తే ఇది భారీ యాక్షన్ డ్రామాగా తెరకెక్కనున్నట్లు అర్థమవుతోంది.
త్రివిక్రమ్ తన మార్క్ డైలాగ్స్తో పాటు ఈసారి విజువల్ ఎఫెక్ట్స్, టెక్నికల్ వాల్యూస్పైనా ప్రత్యేక దృష్టి పెట్టినట్లు సమాచారం.
ఎన్టీఆర్ అభిమానులు ఎంతగానో ఎదురుచూస్తున్న అప్డేట్ త్వరలోనే రానుందని తెలుస్తోంది. మే 20న తారక్ పుట్టినరోజు సందర్భంగా ఈ చిత్రానికి సంబంధించిన టైటిల్ గ్లింప్స్ విడుదల చేసే అవకాశాలు ఉన్నట్లు ఇండస్ట్రీ వర్గాల్లో చర్చ జరుగుతోంది.
ప్రస్తుతం ఈ గ్లింప్స్ కోసం హై-క్వాలిటీ గ్రాఫిక్స్, విజువల్ ఎఫెక్ట్స్ పనులు శరవేగంగా జరుగుతున్నాయట. క్వాలిటీ విషయంలో ఎలాంటి రాజీ లేకుండా ప్రత్యేకంగా సిద్ధం చేస్తున్నట్లు సమాచారం.
చాలా కాలం తర్వాత త్రివిక్రమ్ – ఎన్టీఆర్ కాంబో మళ్లీ రిపీట్ అవుతుండటంతో అభిమానుల్లో భారీ హైప్ కనిపిస్తోంది. సోషల్ మీడియాలో ఇప్పటికే ‘Gods Of War’ హ్యాష్ట్యాగ్ ట్రెండ్ అవుతోంది.
మొత్తానికి, తారక్ బర్త్డే సందర్భంగా రాబోయే ఈ సర్ప్రైజ్ కోసం నందమూరి అభిమానులు ఆసక్తిగా ఎదురుచూస్తున్నారు.
