బాలీవుడ్ స్టార్ రణ్వీర్ సింగ్ హీరోగా, ఆదిత్య ధర్ దర్శకత్వంలో తెరకెక్కిన స్పై యాక్షన్ థ్రిల్లర్ ధురంధర్: ది రివెంజ్ (ధురంధర్ 2) బాక్సాఫీస్ వద్ద దుమ్మురేపుతోంది. విడుదలైన 15 రోజుల్లోనే ఈ చిత్రం ప్రపంచవ్యాప్తంగా సుమారు రూ. 1,492.17 కోట్లు వసూలు చేసి సంచలన రికార్డులు సృష్టిస్తోంది.
ఇండియన్ బాక్సాఫీస్ వద్ద ఈ చిత్రం ఇప్పటికే రూ. 937.32 కోట్ల నెట్ కలెక్షన్లు సాధించినట్లు ట్రేడ్ వర్గాలు చెబుతున్నాయి. రెండో వారంలో స్వల్పంగా వసూళ్లు తగ్గినా, మూడో వారాంతానికి చేరుకుంటున్న ఈ సినిమా జోరు మాత్రం తగ్గలేదు. పైగా ఈ వారం పెద్ద హిందీ సినిమాల పోటీ లేకపోవడం ధురంధర్ 2 కు మరింత కలిసొస్తోంది. దీంతో త్వరలోనే దేశీయంగా రూ.1000 కోట్ల క్లబ్లో చేరడం ఖాయమని అంచనాలు వ్యక్తమవుతున్నాయి.
ఇప్పటికే తన ప్రీక్వెల్ ధురంధర్ (రూ. 1,354 కోట్లు) రికార్డును దాటేసిన ఈ సినిమా, అత్యధిక వసూళ్లు సాధించిన భారతీయ చిత్రాల జాబితాలో టాప్-4లో స్థానం సంపాదించింది. తొలి 15 రోజుల కలెక్షన్ల వేగాన్ని చూస్తే పుష్ప 2 కంటే ముందంజలో ఉండటం విశేషం. ఇదే ఊపు కొనసాగితే పుష్ప 2 ను దాటి, తర్వాత బాహుబలి 2, దంగల్ రికార్డులపై కూడా దృష్టి పెట్టే అవకాశం ఉందని ట్రేడ్ విశ్లేషకులు భావిస్తున్నారు.
ప్రస్తుతం టాప్ గ్రాస్ చేసిన ఇండియన్ సినిమాలు (సుమారుగా):
దంగల్: రూ. 2,070 కోట్లు
బాహుబలి 2: రూ. 1,810.60 కోట్లు
పుష్ప 2: రూ. 1,742.10 కోట్లు
ధురంధర్ 2: రూ. 1,492.17 కోట్లు (ఇంకా కొనసాగుతోంది)
ఈ చిత్రంలో రణ్వీర్ సింగ్ హంజా అలీ మజారీ అనే ఇండియన్ స్పై పాత్రలో అద్భుతంగా నటించారు. ఆయనతో పాటు సంజయ్ దత్, ఆర్. మాధవన్, అర్జున్ రాంపాల్ తదితరులు కీలక పాత్రల్లో మెరిశారు.
మొత్తానికి, ధురంధర్ 2 వేగం చూస్తుంటే ఇండియన్ బాక్సాఫీస్ చరిత్రలో మరిన్ని రికార్డులు తిరగరాసే అవకాశం కనిపిస్తోంది.
Duniya bhar mein goonj rahi hai naye Hindustan ki dahaad. 🔥
— Jio Studios (@jiostudios) April 3, 2026
Day-wise break-up | India
Week 1: ₹690 Cr*
DAY 9: ₹42 Cr*
DAY 10: ₹64 Cr*
DAY 11: ₹71 Cr*
DAY 12: ₹26 Cr*
DAY 13: ₹28 Cr*
DAY 14: ₹21 Cr*
Day 15: ₹19 Cr*
India: ₹961 Cr*
Worldwide GBOC (2 weeks)
India:… pic.twitter.com/jF0uS998P1
