పవర్ స్టార్ పవన్ కళ్యాణ్ నటిస్తున్న పీరియాడికల్ యాక్షన్ అడ్వెంచర్ మూవీ హరి హర వీరమల్లు పై భారీ అంచనాలు నెలకొన్నాయి. ఈ చిత్రం రెండు భాగాలుగా తెరకెక్కుతోంది. తాజాగా తొలి భాగానికి సంబంధించిన షూటింగ్ పూర్తయిందని చిత్ర బృందం ప్రకటించింది. ప్రస్తుతం పోస్ట్ ప్రొడక్షన్ పనులు శరవేగంగా కొనసాగుతున్నాయి.
ఈ చిత్రానికి ఎం.ఎం.కీరవాణి సంగీతం అందిస్తున్నారు. నిధి అగర్వాల్ కథానాయికగా నటించగా, బాబీ డియోల్, సత్యరాజ్, జిషు సేన్గుప్తా తదితరులు కీలక పాత్రల్లో కనిపించనున్నారు. ప్రముఖ నిర్మాత ఎ.ఎం. రత్నం సమర్పణలో, మెగా సూర్య ప్రొడక్షన్స్ బ్యానర్పై ఎ. దయాకర్ రావు ఈ చిత్రాన్ని నిర్మిస్తున్నారు.
ఇప్పటికే పలుమార్లు వాయిదా పడిన ఈ చిత్రానికి తాజాగా విడుదల తేదీ ఖరారైంది. జూన్ 12న ప్రపంచవ్యాప్తంగా ఈ సినిమా విడుదల కానుంది అని చిత్ర బృందం అధికారికంగా ప్రకటించింది.
ఈ సినిమాలోని ప్రచార చిత్రాలు, ఇప్పటికే విడుదలైన రెండు పాటలు ప్రేక్షకులలో భారీ అంచనాలను పెంచాయి. తెలుగు, హిందీ, తమిళం, కన్నడ, మలయాళం భాషల్లో ఈ చిత్రం ఒకేసారి విడుదల కానుంది. పవన్ అభిమానులు మాత్రమే కాదు, సినీప్రేమికులంతా ఈ సినిమాపై ఆసక్తిగా ఎదురుచూస్తున్నారు.
